Juan Mari Gereñu kirol zinegotzia, Igor Eguren alkatea eta Eñaut Gereñu Majori behin-behineko kudeatzailea.

Iazko urritik kiroldegiaren zuzendaritzaz eta kudeaketaz arduratzen ari den Eñaut Gereñuk eman ditu irekiko duten prozesuaren nondik norakoak. Egingo duten lehen gauza administrazio kontseiluan lanpostuaren eskaintzaren oinarriak onartzea izango da, «funtzio eta helburuez gain, Majori kiroldegiaren ezaugarriak aintzakotzat hartuz».

Bigarren urratsa lanposturako izena emateko epea zabaltzea izango da, eta komunikabideetan emango da deialdiaren berri. LKS enpresak hautagaien ebaluaketarako frogak egitea izango da hirugarren fasea, udaleko kontratazio mahaiaren onespenarekin. «Froga horien bidez formakuntza, gaitasun eta izaera mailako egokitasuna, eta postuaren ezaugarri eta eskakizunak baloratuko dira». Azken urratsa hautagaia aukeratzea izango da.

Eredu berri baten beharra
Igor Eguren alkatearen esanetan, azken hautagaia lanean hasteko prest dagoenean, «transmisio epea» hasiko da, «eta Eñaut Gereñuk etorkizuneko zuzendariarekin lan egingo du, egokia ikusten den denboran». Eguberriak tartean izanda «epe bat zehaztea zaila» izan arren, otsailaren bukaerarako kontratazio berria eginda egotea espero du Egurenek.

Izan ere, iazko ekainean kargu hartu, eta uztailean Igeriketa Lantzen enpresa hartzekodunen lehiaketan sartu zenetik, Egurenek gidatutako gobernu taldeak «hainbat oztopo eta zailtasunei» aurre egin behar die. «Hilabeteetan soldata kobratu gabeko langileak, ordaindu gabeko hornitzaileak… kiroldegiko zerbitzua bermatzeko lan egin behar izan da. Ordura arteko kudeaketa integrala alboratu, eta udaletik kontrol zuzena bermatzeko antolaketa eredu berri bat ezartzeko beharra ikusi zen».

Egoera hori dela eta, iazko urrian kontrol hori eramango zuen konfidantzazko pertsona bat kontratatu zuen behin-behinean –Eñaut Gereñu–. «Gobernu taldearen konfidantzazko pertsona izateaz gain, behar bezalako formakuntza eta Ordiziako kirol munduaren ezagutza ditu Gereñuk. Gainera, garbi genuen kontratazioa behin-behinekoa zela, lan jakin bat burutu bitartekoa».

Diru kontuak udalaren esku
Kiroldegiaren ardura izan duen urtebete horretan «hainbat erabaki politiko eta tekniko» hartu ditu udalak, Eñaut Gereñuk esan duenez. «Zentzu horretan lan handia egin da. Langileen egoera egonkortu da, hornitzaileekin negoziazio bidez eskaintzak adostu dira, prozesu konkurtsalaren ondorioak kudeatu dira, instalazioen mantenimendua eguneratu da… Eta orain arte egin ez dena, lehen aldiz, Majoriko sarrera eta gastuen errealitatea udalaren esku jarri da». Hori guztia ikusita, eta Majoriren zerbitzuen eta kudeaketaren kontrol publikoa bermatzeko, zuzendariak udalaren menpekoa izan behar duela «garbi geratu» dela esan du Gereñuk.

Atzo aurkeztu zuten ekimena, azokaren aurkezpenarekin batera. Behin aplikazoia jaitsita, azokan eskuratu daitezkeen produktuen deskribapenak, gutxieneko eta gehieneko prezioak eta ekoizleen eta garaian garaiko produktuen inguruko informazioa eskuratu ahalko da. Gaur goizean, udaltxeko arkupeetan, aplikazioari buruzko informazio gehiago emango dute.

Aplikazioarekin Ordizian asteazkenero izaten diren baserritarren aurkezpen txartela eta curriculuma eta salmenta gunearen informazioa ezagutu ahalko da.

Erosleentzat sariak
Datorren asteazkeneko azokak emango dio amaiera 500. urteurrenari eta aurreko urteetan bezala, ohiko azokaz gain, beste hainbat produktu erosteko aukera izango da. Plaza Nagusian erosketak egiten dituztenek saria ere izango dute: bost euroko erosketa bakoitzeko euro bateko deskontu txartela eskuratuko dute, urtarrilaren 30era arte azokako beste postu batean erabiltzeko.

Garagartza plazara eta Beti Alai pilotalekura zabalduko da ohiko azoka, eta udaletxeko arkupeetan World Cheese Awards lehiaketan sarituak izan diren hiru goierritarrak sarituko dituzte: Aizpea Gaztandegia, Javier Muñoa eta Joseba Insausti. Idiazabal Jatorri Izendapeneko Bittor Rodriguez teknikariak dastatze komentatua egingo du eta Pascual Lopez de Uraldek gazta nola egiten den erakutsiko du.

Abenduak 26

Eguberrietako feria
09:00etatik aurrera. Kapoi, antzar eta indioilarren 26. erakusketa Beti-Alai pilotalekuan. Kanpoko pilotalekuan, berriz, orein, pottoka, asto eta bigantxa erakusketa. Garagartza plazan, errezil sagar, fruitu eta fruitu lehorren erakusketa.

Gaur goizean Arte Plastikoen VI. “Goiart 2012 – Ordizia Saria” lehiaetako sariak banatu dituzte Ordiziako Barrena Kultur Etxean. Yvana Duchene artistak irabazi du. Goierri saria Xabier Anunzibay-ek jaso du.

Lehen saria, 3.000 eurokoa, Baionan bizi den Txekiar Errepublikako Yvana Duchênek erraman du, Camille Claudelen erretratua pintura lanarekin. Epaimahaiak obra honen izaera espresionistari erreparatu dio. Lanaren indarra nabarmendu dute: “keinuzkoa eta oso zehatza ez den egikera du baina erabateko efektua lortzen du”. Esan dutenez, “pisu handiko obra da baina era berean iragankorra formatuari eta teknikari erreparatuz gero. Obraren espresibitatea goiko aldean kontzentratzen da, landuagoa dago obra, begietan, eta bitartean beheko aldean marrazkia nagusitzen da eta margoa kolorezko hari libre gisa ibiltzen da bertan. Gaur egungo postfeminismoan eta transgeneroan osoki murgiltzen den obra”.

Bigarren saria Hondarribian bizi den Hilda Lucio Alamo “Kikis” mexikarrak eraman du, Hiriko paisaia lanarekin. Epaimahaiak azpimarratu duenez, “konposizio arina lortzeko papera eta zuntzaren tankerako material hauskorra, malgua, eta fina erabiltzen da, eta forma arkitektoniko arin, etereoak sortzen dira, forma horiek desagertuko balira bezala. Bestalde, kontrastez beteriko obra bat da, forma geometrikoak eta forma organikoagoak alderatzen dituena, eskala mugatuak dituena, tonalitate neutroak eta ehunduren joko ederra duena”.

Hirugarren saria Amurrion bizi den Alberto Torres Ayerdi beasaindarrak jaso du, Paheta eskulturarekin.

Epaimahaiak erabaki du, aldi berean, Goierrin jaio edo bizi den artista baten lana 600 euroekin saritzea. Tolosan bizi den Xabier Anuncibai beasaindarrak Malkoz beteriko agurra izeneko lanarekin jaso du sari hori.

Jasotako obra kopuru guztiak kontuan hartuta, aukeraketa bat egin du epaimahaiak. Horretarako, estilo eta lan-joera desberdinei begiratu dio. Lan horiek guztiak Barrena Kultur Etxeko erakusketa aretoan jarriko dituzte ikusgai, abenduaren 20tik urtarrilaren 4a bitartean18:00etatik 20:00etara. (Jai egunetan eta abenduaren 24an eta 31n itxita egongo da). Ordiziako web orrian ere ikusgai egongo dira saritutako lanak eta aukeratutakoak: ordizia.org

Lehiaketara 67 artista aurkeztu dira, 103 lanekin. Hona hemen arte-diziplinatan banatuta: Pintura (47), eskultura (33), argazkiak (8), Collage (7), Instalazioak (2), marrazkia (2), serigrafia (1), teknika mistoa (1), akzioa (1) eta bideoa (1).

Ordiziako Majori kiroldegiko zuzendari-kudeatzaile lanpostuaren kontrataziorako prozesua martxan jarriko du udalak. Hala jakinarazi dute gaur Igor Eguren alkateak, Juan Mari Gereñu kirol zinegotziak eta Eñaut Gereñu Majoriko behin-behineko kudeatzaileak. Prozedura hori LKS enpresarekin egingo dute eta lau fase izango ditu, beti ere administrazio kontseiluak horrela onartzen badu. Zuzendari berria otsaila amaitu auretik izendatu nahi du udalak.

Iazko urritik kiroldegiaren zuzendaritzaz eta kudeaketaz arduratzen ari den Eñaut Gereñuk eman ditu irekiko duten prozesuaren nondik norakoak. Egingo duten lehen gauza administrazio kontseiluan lanpostuaren eskaintzaren oinarriak onartzea izango da, «funtzio eta helburuez gain, Majori kiroldegiaren ezaugarriak aintzakotzat hartuz». Bigarren urratsa lanposturako izena emateko epea zabaltzea izango da, eta komunikabideetan emango da deialdiaren berri. LKS enpresak hautagaien ebaluaketarako frogak egitea izango da hirugarren fasea, udaleko kontratazio mahaiaren onespenarekin. «Froga horien bidez formakuntza, gaitasun eta izaera mailako egokitasuna, eta postuaren ezaugarri eta eskakizunak baloratuko dira». Azken urratsa hautagaia aukeratzea izango da.

Iazko ikasturtean hainbat ekimen burutu zituzten. Ikasleek, elkarlanean eta ingelesez, IKTak erabiliz, lan desberdinak egin zituzten. Lan horien artean egutegi bat egin zuten hiru kulturetako elementuak, irudiak, ohiturak, festa-egunak… jasoz. Elkarri hainbat bisita ere egin zituzten iaz.

Comenius proiektuaren bigarren ikasturtea dute hau. Ordiziako 21 ikasle ari dira ekimenean parte hartzen.

Ordiziako Urpekoak taldetik esan dutenez, “igerilari guztiek txapelketa oso ona egin zuten”. Bi izen ere nabarmendu dituzte: Iñaki Lasa eta Josu Sarasola. Lasa 50 eta 100 metroko probetako finaletara sailkatu zen. Sarasolak, berriz, 400 metro eskafandran Espainiako junior mailako marka gainditu zuen 25 metroko igerilekuan. 03:25.47 denbora egin zuen. Urazaleko 400 metroko proban ere lan “bikaina” egin zuen.

Ordiziako urpekoak taldeak “gustura” amaitu du urtea, “baina gogor entrenatzen jarraitzeko gogoa” erakutsi du. Hurrengo txapelketa prestatzen hasi dira jada, urtarrilaren 19an Zaragozan egingo dutena.