Emaneurrek antolatutako Ordiziako VI. Esku pilota txapelketa herrikoiaren finalak gaur arratsaldean jokatuko dira frontoi txikian. B ligako finalean, Garcia-Alvarez de Eulate bikoak Prieto-Zeberioren aurka neurtuko ditu indarrak (19:00), eta A ligakoan, Luzu-Zelaia/Iztueta-Arruabarrena ariko dira aurrez aurre (20:00).
Kaleketako txapelketa ere antolatu dute, eta apustuak egiteko aukera ere izango da. Antolatzaileek garagardoa eskainiko diete gerturatzen direnei, eta afariarekin joateko deia ere egin dute. Alazne Furundarena atletak banatuko ditu sariak.
